Download Myanmar font""
ဤနေရာမှ လင့်များ "ဆက်လက်ခရီးဆက်နိုင်ဘို့"သို့ ပို့ထားပါတယ်။

Saturday, September 19, 2009

Daejon City and Immigration Office, Required documents for family invitation

မနေ့ကသွားခဲ့တဲ့ခရီးစဉ်လေး ပြန်လည် တင်ပြခြင်လို့ပါ။ ချစ်သူအတွက် ဗီဇာ (Visa) သွားလျှောက်တာပါ။ ခရီးစဉ်လေးမပြောပြမီ မိသားစုဖိတ်ခေါ်မယ်ဆိုလျှင် လိုအပ်တဲ့ စာရွက်စာတမ်းလေးတွေ စာရင်းပြုစုပေးလိုက်ပါတယ်။ ခေတ် အချိန်အခါ မတူလို့ပဲလားတော့မသိဘူး။ ကျွန်တော့်ဆရာမကို မေးတုန်းက ဒါတွေ အကုန်မပါဘူး။ သူပြောပြသလောက် စာရွက်စာတမ်းနဲ့ အရင်တင်တာ အဆင်မပြေဘူး။ နောက်လူတွေအတွက် တစ်ချိန်တစ်ခါထည်း အဆင်ပြေစေလိုတဲ့ စေတနာဖြင့် ဒါလေးရေးပေးထားလိုက်ပါတယ်။
၁။ လက်ထပ်စာချုပ် (နိုထရီ မူရင်း)။
၂။ မိသားစုဝင်ရဲ့ ပါစ်ပို့ မိတ္တူ။
၃။ မိမိ ရဲ့ ပါစ်ပို့ (မူရင်းပြရတာပါ)။
၎။ နိုင်ငံခြားသားစီစစ်ရေး ကါဒ် (Foreigner Registration Card (or) Certificate of Alien Registration) ကော်ပီရပါတယ်။
၅။ လက်ရှိအသုံးပြုနေတဲ့ ဘဏ်စာအုပ်တင်ပြရပါတယ်။ ဖိတ်ခေါ်တဲ့သူအတွက် နေထိုင်မှုစရိတ်ကို ဘယ်သူကတာဝန်ယူမှာလဲ အလုပ်လုပ်မှာလား စသဖြင့် စီစစ်ပါတယ်။
၆။ ဘယ်မှာ နေမှာလဲ ဆိုတာကိုလည်း ထောက်ခံစာပေးရပါတယ်။ လက်ရှိကိုယ်နေတဲ့ အဆောင်မှာ အတူနေမယ်ဆိုတာကို ပိုင်ရှင်ရဲ့ ခွင့်ပြုထောက်ခံစာ လိုပါတယ်။
၇။ ပရော်ဖက်ဆာ (မိမိဆရာ)ရဲ့ သဘောတူထောက်ခံစာ ပါလျှင်ပိုကောင်းပါတယ်။ ကျွန်တော်ကတော့ လိုရ မယ်ရ ဒေါက်တာဘွဲ အတွက် (Ph.D Student) လုပ်နေတဲ့ ကျောင်းသားဖြစ်ကြောင်း ကျောင်းက ထောက်ခံစာယူသွားလိုက်တယ်။ ဒါလဲ ကျောင်းသားကာဒ် လျှေက်ထားတာမရသေးလို့ပါ။ ကျောင်းသားကာဒ် မိတ္တူ ထည့်ပေးလိုက်လည်း ပြီးတာပါပဲ။
၈။ နောက်ဆုံး နဲ့ အရေးအကြီးဆုံးကတော့ အပြည့်အစုံဖြည့်စွက်ထားတဲ့ ပုံစံ (Form) ပါ။ ပုံစံထဲမှာ အထူးအထွေမပါပါဘူး။ အထက်က စာရွက်စာတမ်းတွေရှိလျှင် ဖြည့်လို့ရပါတယ်။ မွေးသက္ကရဇ် ဆိုတာနဲ့ ဆက်သွယ်ရန်လိပ်စာဆိုတာလောက်ပဲ ပါတာပါ။ မိမိ ဖိတ်ခေါ်လိုတဲ့သူရဲ့ (၂ x ၁ လက္မခွဲ) ကာလာဓါတ်ပုံ ကပ်ပေးရပါတယ်။ ပုံစံအတွက်လည်း စိတ်မပူပါနဲ့ အင်တာနက်ဒီထဲမှာ ကြိုက်တဲ့ပုံစံ အကုန် ဒေါင်းလို့ရပါတယ်။
ဒါတွေပြည့်စုံပြီဆိုလျှင် လူကြုံနဲ့ လျှောက်လွှာတင်လည်းရလောက်ပါတယ်။ နော်နော်တုန်းကတော့ ဒဲဂျွန်း (Daejeon) မှာနေတဲ့ သူငယ်ချင်း တင်ပေးတာ မပြည့်စုံလို့ ကိုယ်တိုင်လိုက်သွားမှ အဆင်ပြေသွားတယ်။ ဆရာမကို မေးပြီးလုပ်တာ။ ဘာမှမလိုဘူး။ လက်ထပ်စာချုပ် နိုထရီနဲ့ ပရော်ဖက်ဆာ ထောက်ခံစာပါလျှင် ရပြီဆိုတာနဲ့ တင်လိုက်တာ နောက်တော့ ဘယ်ဟုတ်မလည်း အထက်ကလိုပဲ စာရွက်စာတမ်းတွေလိုပါတယ်ဆိုလို့ လိုက်လုပ်ပြီးယူသွားလိုက်ရတယ်။ လျှောက်လွှာတင်ပြီးတာနဲ့ (၁၀) ရက်အတွင်း အဖြေ နံပါတ် ဖုန်းထဲကနေ ပို့ပေးပါမယ်တဲ့။ မရောက်လာလျှင် ဒီဖုန်းနံပါတ်ကို ဆက်သွယ်စုံစမ်းပါဆိုပြီး စာရွက်တစ်ရွက်ပေးလိုက်ပါတယ်။ တကယ်တင်တဲ့အချိန်က (၁၀) မိနစ်တောင်ကြာမယ်မထင်ဘူး။ လူရှင်းတာလည်းပါတာပေါ့လေ။ မိသားစု တစ်တွေ အတူနေခွင့် ရကြပါစေ--။---။




ခရီးစဉ်လေးဆက်ပါ့မယ်။ သောကြာနေ့ဆိုတော့ ဓါတ်ခွဲခန်းအစည်းအ၀းရှိပါတယ်။ အပတ်စဉ် တနင်္လာ၊ သောကြာ နေ့တိုင်းစည်းဝေးတာကိုး။ စည်းဝေးပွဲပြီးတာနဲ့ နေ့လည်စာလေးစားပြီး နှစ်ယောက်သမား ဒဲဂျွန်းမြို့လေးဆီ ချီတက်ပါတယ်။ နှစ်ယောက်ဆိုတာ တစ်ယောက်ကကျွန်တော့်ရဲ့ ဒဲဂျွန်းမြို့နေ ကိုရီးယားသူငယ်ချင်းပါ။ သူက ကျွန်တော်တို့ ဓါတ်ခွဲခန်းရဲ့ မကြာသေးခင်ကမှ ခန့်ထားခံရတဲ့ အီးစီ(EC) လည်းဖြစ်၊ ကျွန်တော်နဲ့ လက်ချာ(lecture) အတူတက်နေတဲ့ ကလပ်စ် မိတ်ဆွေ (class mate) လည်းဖြစ်ပေါ့။ ဒါပေမဲ့ သူက မဟာသိပ္ပံ ဆိုတော့ ကျွန်တော့ရဲ့ ဂျူနီယာလို့ပြောလို့ရမယ်။ သူ့ကိုယ်ပိုင်ကားလေးနဲ့ သွားကြတာပါ။ ကျွန်တော်တို့ကျောင်းတည်ရှိရာ ရယ်ဆန်( Yesan) ကနေ ဒဲဂျွန်းထိ ကိလို ၈၀ ဝေးပါတယ်။ တစ်နာရီကျော်ကျော်မောင်းလိုက်ရတယ်။ ပြောပြချင်တာက ဒီမှာ ရှိတဲ့ လမ်းတံတားတွေကိုပါ။ မြန်မာပြည်နဲ့တော့ နည်းနည်းကွာလားလို့။ လမ်းတွေက လည်းကောင်းမှကောင်း။ ကျယ်ကလည်းကျယ်တယ်။ ဒီနိုင်ငံရဲ့ ၇၀% က တောင်တွေနဲ့ ပြည့်နက်နေတော့ တောတောင် လျှိုမြောင်ကလည်း ဘာပေါသလည်းမမေးနဲ့ လမ်းဘေး ဘယ်ညာ တောတောင်တွေချည်းပဲ။ တောင်ကို လှိုင်ဖေါက်၊ ချောက်ကို တံတားဆောက်ထားလို့ လမ်းကတော့ အတက်အဆင်းမရှိသလောက် ကိုညီညာနေတယ်။ အပေါ်ကပုံလေးတွေကို ကြည့်လျှင်သိနိုင်မယ်ထင်ပါတယ်။

ဒါက လမ်းညွန်ဆိုင်းပုဒ်နှင့် လှိုင်ခေါင်းအ၀င်ဝလေ။


ဒါလေးကတော့ လှိုင်ခေါင်းထဲမှာ ရိုက်ထားတာ နှင့် လျှိုကူးတံတား။



ဒါကတော့ မြို့လယ် တစ်နေရာပါ။ ကားတွေ ဒါလောက်ပေါပေမဲ့ မြို့လယ်မှာတောင် ဒီလောက်လမ်းကျယ်တော့ ပိတ်ဆို့မှု့သက်သာတာပေါ့။ သက်သာတာလို့ပြောတာနော်။ လမ်းသိပ်ကျယ်တာတောင် ကားတွေက မတန်တဆ ပေါတော့ လမ်းပိတ်ဆို့မှုတော့ ခဏခဏ ကြုံရတယ်။ မီးပွိုင့်မှာဆို တန်းစီလို့ပေါ့။ ဒါလေးကလည်း မြို့လယ်မှာပဲ။


ဒါလေးကတော့ ကျွန်တော်တို့ Genetic Analysis အတွက် အစိုးရကို ငွေတင်တောင်းဖို့ တံစိပ်တုံးသွားထုခဲ့တဲ့ ဘီဇနည်းပညာဦးစီးဌာနမှာရိုက်ခဲ့တာလေးပါ။ ဒါကတော့ ဒီဒဲဂျွန်း (Daejeon) မြို့ရဲ့ အထင်ကရ အားကစားကွင်းပါ။


သူတို့ကတော့ World cup လို့ နာမည်တပ်ထားတာပါ။ ဒီလိုအားကစားကွင်းက မြို့ကြီးတိုင်းမှာ ရှိတာပါတဲ့။ မြို့ငယ်လေးတွေမှာတော့ မရှိပါဘူး။ ဟိုနေ့က သွားခဲ့တဲ့ ဂုန်းဂျူး (Kongju) မှာတော့မရှိဘူး။ ဂုန်းဂျူးဆိုတာက ဒဲဂျွန်းနဲ့ ၁၉ ကီလိုမိတာပဲ ဝေးတာကိုး။ ဒဲဂျွန်းမှာ Chungnam University ကို အထင်ကရတွေ့ခဲ့ရတယ်။ ဒီနိုင်ငံမှာ တက္ကသိုလ်ပေါင်း ၂၀၀ ကျော်တယ်လို့ သူငယ်ချင်းကပြောပြတယ်။ ကျွန်တော်တို့ NIIED တွေ လျှောက်ခွင့်ရတဲ့ စာရင်းမှာတောင် ၃၅ ကျောင်းရှိတာကိုး။ လျှောက်ခွင့်မရတဲ့ကျောင်းတွေကလည်းအများကြီး။ ဒီအတွက် Unrestricted Students တွေက တစ်ပန်းသာတယ်။ တစ်ပန်းမကပါဘူး။ နှစ်ပန်း၊ သုံးပန်း အများကြီးသာပါတယ်။ အခွင့်အရေး သာတယ်။ နောက်နှစ်တွေ ကိုရီးယားအစိုးရစကောလားလျှောက်လျှင် Unrestricted အနေနဲ့လျှောက်နော်။ Restricted အနေနဲ့ မလျှောက်နဲ့။ ဟား--ဟား--။ ကြုံကြိုက်တုံး အကြံပေးလိုက်တာ။ ကဲ နားလိုက်အုံးမယ်ဗျာ။




0 comments:

Post a Comment